英格蘭決選歐洲國家盃大軍名單，8名中堅踢走兩人，揀了剛傷瘉的哈利馬古尼和國際賽經驗不足的班夫韋迪，決定十分正確。

中場則棄用了大賽經驗較多的居迪斯鍾斯，留用阿當禾頓就令人意外；鋒線剔走創造力強的基亞利殊和占士麥迪臣，保留伊比爾治伊斯，同樣叫人意想不到。

若果只留意豪門球隊的英迷，可能會疑惑阿當禾頓和伊比爾治伊斯，有沒有能力踢歐國盃？在阿當禾頓的選擇上，這名20歲新星只踢了英超半季，今年1月由布力般流浪轉投水晶宮，論經驗一定不及2018年在利物浦出道、英超已踢了86場的居迪斯鍾斯。然而要留意英軍今次沒有佐敦軒達臣和奇雲菲臘斯，只餘迪格蘭賴斯一位防守中場，史東斯勉強都算，居迪斯踢法編向進攻和組織，掃蕩、塞位的能力較弱。

相反有留意水晶宮比賽的球迷就知道，阿當禾頓的攔截、防守敏銳性、遮位等工作相當不俗，又有一定的傳送能力，作為賴斯的替補，或在末段領先時換入來加強中場防守及掃蕩就最合適，揀佢而唔揀居迪斯十分合理。

至於踢法類似的基亞利殊和占士麥迪臣一起落選，保留了伊斯，爭議性就大點。理論上前兩人留其中一個較穩妥，但三獅領隊修夫基向來喜歡衝擊力強和直接的鋒將，伊斯就屬於此類。當然他可勝任左右翼和進攻中場，季尾於英超又如入無人之境，最後7輪6次上陣收錄5入球2助攻，記得擊敗利物浦和曼聯時修夫基都有入場，應該就是那時作出此決定。

以狀態和適配度，修帥揀禾頓及伊斯的確十分合理！蘇偉業