周五日職賽事，鳥棲砂岩喺主場迎戰ＦＣ東京，兩支球隊近期狀態麻麻，而且入球能力不足，預料今仗踢法會先求穩陣，2.5球入球細值得捧場。（周五晚上6時開賽）

護級分子鳥棲砂岩早前突然發威連贏兩場，但上場不敵名古屋鯨魚後，再喺日聯盃被ＦＣ東京淘汰，似乎打回原形。鳥棲砂岩主場踢法偏向保守，近4場主場有3場總入球開2球或以下，今仗為求「止血」必定踢得穩陣。

東京射手啞火
另邊廂，ＦＣ東京近況差勁，近4場聯賽只得2和2負，之前入波頻頻嘅巴西前鋒迪亞高奧利華拉，最近連續3場「食白果」，佢嘅腳風轉差亦令球隊進攻力大減。ＦＣ東京最近兩個入球，來自同係37歲嘅後衞長友佑都同森重真人，表現令人失望。不過ＦＣ東京防守尚算穩健，近3場比賽總入球全開2球或以下，包括喺日聯盃1比1打和今場對手鳥棲砂岩，今場博2.5球入球細好路。