主場出擊越級挑戰梅斯
今晚法國附加賽決賽首回合，由法乙「3哥」聖伊天主場迎戰法甲尾3嘅梅斯。聖伊天近期比賽初段踢得較為謹慎，近6半場保持不失，加上首回合對住實力較高嘅法甲隊，亦毋須太心急搶攻，半場和值得捧場。
（Now 638周五凌晨2時30分直播）
查實聖伊天日前喺上圈法附，全場圍攻之下以2比0淘汰法乙「4哥」羅德茲，先至進身今圈決賽，嗰場亦係呢支老牌球隊近4場以來首場勝仗，可見其狀態只係麻麻，其中近兩仗半場均互交白卷，明顯初段踢法偏向保守，何況自從2022年降班後，終於等到重返甲組嘅機會，相信佢哋今仗會小心為上。
梅斯作客較為保守
相比之下，梅斯以逸待勞，休息時間較多，體能上略佔優勢，而且佢哋客場出擊踢法較為保守，雖然近5場作客只錄得2勝3負，但有4次半場打和，其中3次半場開出0:0波膽，可見佢哋客場習慣謀定而後動，畢竟今場只係首回合，對佢哋嚟講唔輸亦冇蝕底，毋須急於搶攻，次回合返主場先同聖伊天鍊過，預計今場初段會陷於膠着，半場和值得捧場。
