歐聯死亡之組真係最令人着迷的一組，多蒙特不算強，但賽期上剛好遇上每隊對手的低潮期，連勝AC米蘭和紐卡素得以提早出線。卡塔爾皇室的巴黎聖日耳門質素在四隊之中最高，但發揮往往差少少，然而卻得到「眷顧」，在最後一刻獲得那個無理的十二碼，得以逼和沙特國有的紐卡素，並將兩隊本來的出線命運180度改寫。聖日耳門的個人質素取得不少優勢，攻門之入肉程度和數量上，說實話，應該夠贏有突，可是最終卻要由VAR出手干預，更加要由球證同意改判一個沒球例根據的12碼，可能是史上最無可能發生的人為錯誤。

難道VAR球證和主球證都正好不懂球例或者飲大咗?首先，VAR怎可能提出要求球證翻看?第二，球證怎可能睇完片仲改判12碼?1000%黑哨無疑。當時已諗，UEFA如何向沙特皇室交待呢?笑死，UEFA賽後罕有地出面指這球是錯判，更即罰VAR球證，卻唔知點解唔罰個球證。我印象中UEFA未試過要就「個別事件」解釋，這類「北京電視機」在歷史上唔少，亦不會是最後一次，但沙特國家的球隊居然蒙受委屈，待遇果然不一樣。

AC米蘭受傷停困擾，連15歲童工卡馬達都要用，面對今屆帶來驚喜的費辛隆尼要讓1/1.5球實在嫌多，取下盤。馬高